 |
அவ்வப்போது கேட்கப்படும் கேள்விகள் (FAQs) |
|
| |
 |
கே: தக்கா•புல் மற்றும் காப்புறுதி சலுகைகள் பாதுகாப்பு முறை என்பது என்ன?
ப : தக்கா•புல் மற்றும் காப்புறுதி சலுகைகள் பாதுகாப்பு முறை (TIPS) என்பது, ஓர் உறுப்புக் காப்புறுதி நிறுவனம் தோல்வியுறும் பட்சத்தில், உங்களின் தகுதிபெற்ற தக்கா•புல் மற்றும் காப்புறுதி சலுகைகளின் இழப்புக்கு எதிராக உங்களுக்கு பாதுகாப்பு வழங்க மலேசிய அரசாங்கத்தினால் உருவாக்கப்பட்டிருக்கும் ஒரு முறையாகும். TIPS-சின் கீழ் ஓர் உறுப்புக் காப்புறுதி நிறுவனம் தோல்வியுற்று பாதுகாக்கப்பட்ட தக்கா•புல் அல்லது காப்புறுதி சலுகைகளைக் காப்பாற்ற முடியவில்லை என்றால், தக்கா•புல் பங்கேற்பாளர்கள் அல்லது பாலிசி உரிமையாளர்களுக்கு ஒரு கட்டணத்தை PIDM வழங்கும்.
கே: எந்த தக்கா•புல் சேவை வழங்குவோர் மற்றும் காப்புறுதி நிறுவனங்கள் PIDM-மின் உறுப்புக் கழகங்கள்?
ப : மலேசியாவில் ஆயுள் மற்றும்/அல்லது பொதுக் காப்புறுதி வாணிபம் மேற்கொள்ள 1996 காப்புறுதிச் சட்டத்தின் கீழ் அனுமதி வழங்கப்பட்டிருக்கும் காப்புறுதி நிறுவனங்கள் உட்பட, மலேசியாவில் குடும்ப மற்றும்/அல்லது பொது தக்கா•புல் வாணிபம் மேற்கொள்ள 1984 தக்கா•புல் சட்டத்தின் கீழ் அனுமதி வழங்கப்பட்டிருக்கும் அனைத்து தக்கா•புல் சேவை வழங்குவோரும் PIDM-மின் உறுப்புக் கழகங்களாகும். மலேசிய வைப்புத்தொகை காப்புறுதிக் கழகச் சட்டம் 2011-றின் கீழ் வழங்கப்பட்டிருப்பதுபோல் PIDM-மில் உறுப்பியத்துவம் பெற்றிருப்பது கட்டாயமாகும்.
PIDM-மின் உறுப்புக் கழகங்களான தக்கா•புல் சேவை வழங்குபவர்கள் மற்றும் காப்புறுதி நிறுவனங்கள் 'உறுப்புக் காப்புறுதியாளர்கள்'. (உங்களின் தக்கா•புல் சேவை வழங்குவோர் மற்றும் காப்புறுதி நிறுவனங்களின் அனைத்து அலுவலக நுழைவாயில்களிலும் இந்த உறுப்பியத்துவ அடையாளத்தைக் காணுங்கள்.)
தீபகற்ப மலேசியாவில் உள்ள உறுப்புக் காப்புறுதியாளர்களுக்கு
சபாவில் உள்ள உறுப்புக் காப்புறுதியாளர்களுக்கு
சரவாவில் உள்ள உறுப்புக் காப்புறுதியாளர்களுக்கு
கே: எந்த கழகங்கள் PIDM-மின் உறுப்புக் காப்புறுதியாளர்கள் அல்ல?
ப: கீழ்க்காணப்படும் கழகங்கள் PIDM-மின் உறுப்புக் காப்புறுதியாளர்கள் அல்ல:
• மறுகாப்புறுதி மற்றும் மறுதக்கா•புல் நிறுவனங்கள்
• கேப்டிவ் காப்புறுதியாளர்கள் மற்றும் நிபுணத்துவ காப்புறுதியாளர்கள்
• வெளிநாட்டு காப்புறுதி நிறுவனங்கள்
• தக்கா•புல் சட்டம் 1984-ன் கீழ் அனுமதி வழங்கப்பட்டிருக்கும் அனைத்துலக தக்கா•புல் சேவையாளர்கள்
• காப்புறுதி தொழில்துறையில் சம்பந்தப்பட்டிருக்கும் காப்புறுதி தரகர்கள், காப்புறுதி நிவர்த்தி செய்பவர்கள் மற்றும் காப்புறுதி ஏஜெண்டுகள் போன்ற இதர சேவையாளர்களாவர்
கே: TIPS பாதுகாப்புக்கு நான் அவசியம் விண்ணப்பிக்கவோ அல்லது பதிவு செய்யவோ வேண்டுமா?
ப : இல்லை, நீங்கள் விண்ணப்பிக்கவோ அல்லது பதிவுச் செய்யவோ வேண்டியதில்லை. நீங்கள் இயல்பாகவே பாதுகாக்கப்படுகின்றீர்கள்.
கே: TIPS கீழான பாதுகாப்புக்கு அனைத்து தக்கா•புல் சான்றிதழ் மற்றும் காப்புறுதி பாலிசி உரிமையாளர்களும் தகுதிபெற்றவர்களா?
ப : TIPS கீழான பாதுகாப்புக்குத் தகுதிபெறும் தக்கா•புல் சான்றிதழ் அல்லது காப்புறுதி பாலிசி உரிமையாளர்களில் தனிநபர்கள், தனிச் சொத்து உரிமையாளர்கள், பங்காளித்துவம், தொழில் சங்கங்கள், பதிவுபெற்ற அமைப்புக்கள், கூட்டுறவுகள், பதிவுபெற்ற தொண்டு அமைப்புக்கள் மற்றும் கழகங்களும் அடங்கும்.
கே: எத்தகைய தக்கா•புல் மற்றும் காப்புறுதி சலுகைகள் TIPS கீழ் பாதுகாக்கப்படுகின்றன? TIPS கீழான பாதுகாப்பின் அளவு என்ன?
ப : தக்கா•புல் மற்றும் காப்புறுதி சலுகைகள் TIPS கீழ் பாதுகாக்கப்படுகின்றன. அவை தொடர்பான வரம்புகள் கீழேக்காணப்படும் அட்டவணை 1 மற்றும் அட்டவணை 2-டில் வகுக்கப்பட்டிருக்கின்றன.
அட்டவணை 1: குடும்பநல தக்கா•புல் மற்றும் ஆயுள் காப்புறுதிக்கான சலுகைகளைப் பாதுகாக்கிறது
அட்டவணை 1:
குடும்பநல குடும்ப தக்கா•புல்/ஆயுள் காப்புறுதி
பாதுகாக்கப்பட்டுள்ள சலுகைகள் அதிகபட்ச வரம்பு (தனிநபர் அல்லது குழு பாலிசிகள்/திட்டங்கள்)
மரணம் மற்றும் தொடர்புடைய சலுகைகள் RM500,000
நிரந்தர உடல் செயலிழப்பு RM500,000
கடுமையான நோய்கள் RM500,000
முதிர்ச்சித்தன்மை மதிப்பு (முதலீடு தொடர்பான பாசிலிகளின் யூனிட் அளவைத் தவிர்த்து) RM500,000
ஒப்படைத்தலின் மதிப்பு RM500,000
சேகரிக்கப்பட்ட ரொக்க டிவிடன்கள் RM100,000
உடல் செயலிழப்பு வருமானம் RM10,000 மாதம் ஒன்றுக்கு
ஆண்டு வருமானம் RM10,000 மாதம் ஒன்றுக்கு
மருத்துவச் செலவுகள் ஏற்பட்ட செலவுகளின் 100%
திருப்பித் தரப்படும் முன்செலுத்தப்பட்ட பிரிமியம் முன்செலுத்தப்பட்ட தொகையின் 100%
அட்டவணை 2: பொது தக்கா•புல் மற்றும் பொதுக் காப்புறுதிக்கான பாதுகாக்கப்பட்ட சலுகைகள்
அட்டவணை 2
பொதுத் தக்கா•புல்/காப்புறுதி
பாதுகாக்கப்பட்டுள்ள சலுகைகள் அதிகபட்ச வரம்பு (பாலிசிகள்/திட்டங்கள்)
சொத்து சேதம் அல்லது இழப்பு தொடர்பானவை:
* மலேசியாவில் உள்ள நடமாடாத சொத்து
* மலேசியாவில் பதிவு செய்யப்பட்ட மோட்டார் அல்லது மலேசியாவில் வாகனமோட்டுவதற்காக காப்புறுதி செய்யப்பட்ட ஒரு வெளிநாட்டு வாகனம்
* மலேசியாவில் உள்ள தூதரகங்கள், நிரந்தரமான நிறுவனம் அல்லது மலேசியப் பிரஜை அல்லது தங்கியிருப்பவரினால் காப்புறுதி செய்யப்பட்ட ஒரு கப்பல், விமானம் அல்லது இதர நடமாடும் சொத்து
RM500,000 ஒரு சொத்துக்கு
மரணம் மற்றும் தொடர்புடைய சலுகைகள் RM500,000
நிரந்தர உடல் செயலிழப்பு RM500,000
கடுமையான நோய்கள் RM500,000
உடல் செயலிழப்பு வருமானம் RM10,000 மாதம் ஒன்றுக்கு
மருத்துவச் செலவுகள் ஏற்பட்ட செலவுகளின் 100%
ஒரு மூன்றாம் தரப்பினால் கோரப்படக் கூடிய இழப்பு தொடர்பிலானது:
* தகுதிபெற்ற மூன்றாம் தரப்பின் நடமாடாத அல்லது நடமாடும் சொத்துக்கு ஏற்படும் இழப்பு அல்லது சேதம்
* மரணம் மற்றும் தொடர்புடைய சலுகைகள்
* நிரந்தர உடல் செயலிழப்பு
* நோய் அல்லது உடல் காயம்
* உடல் செயலிழப்பு வருமானம்
* மருத்துவச் செலவுகள் முன்செலுத்தப்பட்ட தொகையின் 100%
* RM500,000 ஒரு சொத்துக்கு
* RM500,000
* RM500,000
* RM500,000
* RM10,000 மாதம் ஒன்றுக்கு
* ஏற்பட்ட செலவுகளின் 100%
திருப்பித் தரப்படும் முன்செலுத்தப்பட்ட பிரிமியம் முன்செலுத்தப்பட்ட தொகையின் 100%
TIPS கீழான பாதுகாப்புக்குத் தகுதிபெற, தக்கா•புல் சான்றிதழ் அல்லது காப்புறுதி பாலிசியானது ரிங்கிட் மலேசியா ஆதிக்கத்தில் இருப்பதுடன் ஓர் உறுப்புக் காப்புறுதியாளரினால் மலேசியாவில் வெளியிடப்பட்டிருக்க வேண்டும்.
கே: TIPS கீழ் எந்த மாதிரியான தக்கா•புல் மற்றும் காப்புறுதி அனுகூலங்கள் பாதுகாக்கப்படவில்லை?
ப : தொட்டுணர முடியாத சொத்துக்கு சேதம் மற்றும் வெளிநாட்டு நாணயத்தில் ஆதிக்கம் செய்யும் தக்கா•புல் சான்றிதழ் மற்றும் காப்புறுதி பாலிசிகள் உட்பட தக்கா•புல் அல்லது காப்புறுதி அனுகூலங்கள் TIPS கீழ் பாதுகாக்கப்படவில்லை.
முதலீடு தொடர்புடைய சான்றிதழ்களின் முதலீடுகள் அல்லது பாலிசிகள் பாதுகாக்கப்படவில்லை. ஆனால், இந்தத் திட்டம் அல்லது பாலிசியின் காப்புறுதி மற்றும் தக்கா•புல் பணம் TIPS கீழ் பாதுகாக்கப்படுகின்றன.
கே: நான் ஒரு தனிநபர் சான்றிதழ் அல்லது பாலிசியை வைத்திருந்தால், எனது குழுமச் சான்றிதல் அல்லது பாலிசி அனுகூலங்கள் TIPS கீழ் தனியாகப் பாதுகாக்கப்படுமா?
ப : ஆம். உங்களின் தனிநபர் சான்றிதழ் அல்லது பாலிசி மற்றும் குழுமச் சான்றிதழ் அல்லது பாலிசி கீழ் இந்த அனுகூலங்கள் பாதுகாக்கப்பட்டால், அதிகபட்ச வரம்பு அடிப்படையில் தனித்தனியாக கணக்கிடப்படும். இதன் காரணமானது மாறுபட்ட பாலிசி உரிமையாளர்கள் மற்றும் வாரிசுதாரர்களுக்கு இந்த பாதுகாப்பு முறை தனித்தனி வரம்பை வழங்குவதன் வழி அதிகப் பாதுகாப்பை அனுபவிக்க உங்களை அனுமதி அளிக்கிறது.
கே: பல உறுப்புக் காப்புறுதியாளர்களிடம் இருந்து அதே அனுகூலங்களுடன் தக்கா•புல் சான்றிதழ் அல்லது காப்புறுதி பாலிசிகளை நான் வாங்கி இருந்தால், எனது அனைத்து தக்கா•புல் அல்லது காப்புறுதி அனுகூலங்கள் TIPS கீழான எனது பாதுகாப்பைத் தீர்மானிக்கும் நோக்கத்திற்காக சேர்த்துக் கொள்ளப்படுமா?
ப : இல்லை. வெவ்வேறு உறுப்புக் காப்புறுதியாளர்களிடம் நீங்கள் வாங்கிய தக்கா•புல் மற்றும் காப்புறுதி அனுகூலங்கள் தனித்தனியாகப் பாதுகாக்கப்படுகின்றன. TIPS கீழ் பாதுகாக்கப்படும் அனுகூலங்கள், "ஒரே உறுப்புக் காப்புறுதியாளர், ஒரே இடர் சம்பவம், ஒரே ஆயுள் காப்புறுதி அல்லது காப்புறுதி செய்யப்பட்ட சொத்து, மற்றும் ஒரே தக்கா•புல் சான்றிதழ் அல்லது பாலிசி உரிமையாளருடன்" தொடர்புடையவையாக இருந்தால் மட்டுமே ஒன்றாகச் சேர்க்கப்படும்.
கே: எனக்காகவும் எனது குடும்பத்திற்காகவும் பல குடும்ப தக்கா•புல் சான்றிதழ்கள் அல்லது ஆயுள் காப்புறுதி பாலிசிகளை நான் வாங்கினால் அவற்றில் எது பாதுகாக்கப்படுகிறது என்பதை எப்படி அறிந்து கொள்வது?
ப : ஒவ்வொரு ஆயுள் காப்புறுதியும் தனித்தனியாகப் பாதுகாக்கப்படுகின்றன. இதன் அர்த்தமானது, ஒரே உறுப்புக் காப்புறுதியாளரிடமிருந்து வெவ்வேறு குடும்ப உறுப்பினர்களுக்கு பல தக்கா•புல் சான்றிதழ்கள் அல்லது காப்புறுதி பாலிசிகளை நீங்கள் வாங்கி இருந்தால், காப்புறுதி செய்யப்பட்டிருக்கும் உங்களின் தனித்தனி குடும்ப உறுப்பினர்கள் அடிப்படையில் உங்களுக்கு இழப்பீடு வழங்கப்படும். கீழ்க்காணப்படும் உதாரணத்தை நீங்கள் சரிபார்க்கலாம்:
திரு மற்றும் திருமதி டான் தங்கள் குடும்பத்திற்கு ஒரே உறுப்பு காப்புறுதியாளரிடம் பல ஆயுள் காப்புறுதி பாலிசிகளை வாங்கி இருக்கின்றனர்.
பாலிசி உரிமையாளர்: திரு டான் பாலிசி உரிமையாளர்: திருமதி டான்
ஆயுள் காப்புறுதி காப்புறுதி செய்யப்பட்டதொகை
(RM)
ஆயுள் காப்புறுதி காப்புறுதி செய்யப்பட்டதொகை (RM)
பாலிசி 1: மகன் (ஆடம்) 200,000 பாலிசி 4: மகன் (ஆடம்) 100,000
பாலிசி 2: மகள் (எலிஸ்) 150,000 பாலிசி 5: மகன் (ஆடம்) 50,000
பாலிசி 3: திரு டான் 600,000 பாலிசி 6: திருமதி டான் 400,000
ஆடமின் மரணம்
திரு டான்னின் பாலிசிகள் கீழ் கோரப்படத்தக்கத் தொகை RM200,000 (பாலிசி 1)
திருமது டான்னின் பாலிசிகள் கீழ் கோரப்படத்தக்கத் தொகை (RM100,000 + RM50,000) RM150,000 (பாலிசி 4 மற்றும் பாலிசி 5)
TIPS கீழ் கோரப்படத்தக்க மொத்தத் தொகை RM350,000
திரு டான்னின் மரணம்
திரு டான்னின் பாலிசிகள் கீழ் கோரப்படத்தக்கத் தொகை RM500,000* (பாலிசி 3) *TIPS கீழான அதிகபட்ச வரம்பு
கே: எனது தக்கா•புல் அல்லது காப்புறுதி அனுகூலங்களுக்கு கூடுதலாகப் பாதுகாப்புப் பெறுவதற்காக நான் கூடுதல் காப்புறுதியை வாங்க முடியுமா?
ப : இல்லை. TIPS கீழான உங்களின் தக்கா•புல் மற்றும் காப்புறுதி அனுகூலங்களுக்கான பாதுகாப்பானது, நீங்கள் வாங்கக்கூடிய ஒரு வாணிப தக்கா•புல் அல்லது காப்புறுதி பாலிசி அல்ல. இது PIDM மூலம் அரசாங்கத்தினால் வழங்கப்படுகிறது. தகுதிபெற்ற தக்கா•புல் அல்லது காப்புறுதி அனுகூலங்களுக்கு பாதுகாப்பு இயல்பாகவே வழங்கப்படுவதால் அதற்கு நீங்கள் பதிவு செய்யவோ விண்ணப்பிக்கவோ வேண்டியதில்லை.
கே: இரண்டு உறுப்புக் காப்புறுதியாளர்கள் ஒன்றாக இணைந்தால் எனது தக்கா•புல் சான்றிதழ்கள் அல்லது காப்புறுதி பாலிசிகளுக்கு என்ன நேரிடும்?
ப : தக்கா•புல் சான்றிதழ் அல்லது காப்புறுதி பாலிசியின் பணக் கோரிக்கைகளினால் பணம் வழங்குதல், முதிர்ச்சித் தன்மை அல்லது ஒப்படைத்தல் உட்பட, உறுப்புக் காப்புறுதியாளரினால் அனைத்து கடப்பாடுகளும் நிறைவேற்றப்படும் வரையில் தக்கா•புல் அல்லது காப்புறுதி அனுகூலங்கள் தொடர்ந்து தனித்தனியாகப் பாதுகாக்கப்படும்.
கே: ஓர் உறுப்புக் காப்புறுதியாளர் தோல்வியுறும் பட்சத்தில், TIPS கீழ் பாதுகாக்கப்பட்டிருக்கும் எனது தக்கா•புல் அல்லது காப்புறுதி அனுகூலங்களை நான் எவ்வாறு கோரமுடியும்?
ப : நீங்கள் எந்த ஒரு கோரிக்கைக்கும் விண்ணப்பிக்கத் தேவையில்லை. பிரச்னையை எதிர்நோக்கி இருக்கும் ஓர் உறுப்புக் காப்புறுதியாளரின் விவகாரத்தைத் தீர்க்குமாறு PIDM கோரப்படும் பட்சத்தில், TIPS கீழ் பாதுகாக்கப்பட்டிருக்கும் தக்கா•புல் சான்றிதழ் அல்லது பாலிசி உரிமையாளர்களின் தக்கா•புல் அல்லது காப்புறுதி அனுகூலங்களின் உரிமையாளர்களிடம் எவ்வாறு, எங்கு மற்றும் எப்போது நாங்கள் பணத்தை வழங்குவோம் என்ற தகவலை நாங்கள் தெரிவிப்போம். தக்கா•புல் சேவை வழங்குபவர் அல்லது காப்புறுதி நிறுவனத்தின் தகவல்களை அடிப்படையாகக் கொண்டு தக்கா•புல் சான்றிதழ் அல்லது காப்புறுதி பாலிசி உரிமையாளர்களுக்கு PIDM பணத்தை வழங்கிவிடும்.
குறிப்பாக குடும்ப தக்கா•புல் அல்லது ஆயுள் காப்புறுதியைப் பொறுத்த வரையில் தக்கா•புல் சான்றிதழ் அல்லது காப்புறுதி பாலிசி உரிமையாளர்களுக்கான பாதுகாப்பின் தொடர்ச்சியை உறுதிப்படுத்த தக்கா•புல் சான்றிதழ்கள் அல்லது காப்புறுதி பாலிசிகளை தோல்வியுற்ற காப்புறுதியாளர் உறுப்பினரிடமிருந்து மற்றொரு காப்புறுதியாளர் உறுப்பினருக்கு மாற்றுவதற்கான ஏற்பாட்டையும் PIDM செய்யக்கூடும்.
கே: மேல் தகவல்களுக்கு நான் யாருடன் தொடர்பு கொள்வது?
ப : PIDM-மின் இலவச தகவல் எண் 1-800-88-1266-க்கு திங்கட்கிழமை முதல் வெள்ளிக்கிழமை வரையில் காலை 8.30 முதல் மாலை 5.30 வரையில் அழையுங்கள் அல்லது info@pidm.gov.my-க்கு மின்னஞ்சல் செய்யுங்கள்.
|
|
|
| |
|
|
|
|
|